Mangyaring basahin ang deskripsiyon nang mabuti para mas maintindihan kung ano ang aming ginagawa.

Ang proseso sa paglutas ay may 2 yugto.

1. Bago mo ipadala ang gawaing Recaptcha sa aming manggagawa, gumagawa kami ng maraming pagsusuri sa iyong proxy para masiguro na ito ay gumagana nang maayos at angkop sa aming mga pangangailangan. Kapag nilampasan nito ang pagsusuri, ang aming sistema ay naaalala ang resulta ng pagsusuri sa loob ng 10 minuto. Kapag ito ay hindi nakapasa - inaalala namin ito sa loob ng 60 segundo.

2. Ang proseso sa paglutas. Ang manggagawa ay nakatatanggap ng gawain at may Recaptcha na marerender sa kanilang browser, na na-set up na gumana sa aming proxy server - tinatawag naming ito na Proxygate. Ang Proxygate ay konektado sa iyong proxy, kaya nakagagawa ito ng siguradong koneksiyon, kaya ang manggagawa ay walang direktang access sa iyong proxy data.
Kapag ang iyong proxy ay gumagana nang mabuting-mabuti, may Recaptcha na hihingin at lulutasin nang matagumpay sa pamamagitan ng iyong proxy.
Kung mayroon kang mababang-kalidad na proxy, at ang ibang koneksiyon, pagbasa/pagsulat, atbp. na mga error ay maaaring mangyari sa yugtong ito. Ang Proxygate ay mamarkahan ang gawaing Recaptcha ng isa sa aming mga error code at kakanselahin ang gawain. Ang mga error ay ayos lang kung ikaw ay mayroong mas mababa sa 1% ng lahat ng bilang ng mga koneksiyon, ngunit ang mas mataas na porsiyento ay nangangahulugan na kailangan mong palitan ito ng iba pa o magsimulang gumamit ng mode na proxy-off. Hindi namin magagamit ang mga proxy na may mataas na bilang ng mga error; para naman sa aming mga manggagawa, mukha itong permanenteng mga problema ng sistema, ang kanilang mga gawain ay laging nag-rereset, at hindi sila mababayaran.

MGA ALITUNTUNIN:
- Ibabawas namin ang $0.0001 kapag ang iyong proxy ay nasala sa unang hakbang.
- Ibabawas namin ang buong gastos ng gawain kapag ang proxy ay hindi gumana habang nilulutas ang gawain, dahil nasayang ang oras ng aming manggagawa.
- Mga IP address ng proxy lamang ang aming tatanggapin, hindi mga hostname.
- Ang proxy ay kailangang magresponde sa loob ng 2 segundo, kailangang maitago ang pinagmulang IP address, suportado ang SSL, pagpapadala ng imahe, mahahabang adres ng URL, at dapat hindi hinaharangan sa Google.

Gamitin ang aming kasangkapan na proxy checker para masuri kung ang iyong proxy ay tugma sa aming serbisyo. Mangyaring tandaan na ang matagumpay na resulta sa aming proxy checker ay hindi ginagarantiya ang maayos, walang error na paglutas ng captcha. Kung ikaw ay nakakakuha ng mga error gaya ng ERROR_PROXY_CONNECT_REFUSED o ERROR_PROXY_CONNECT_TIMEOUT, nangangahulugan na sa isang punto ang iyong proxy ay hindi gumana. Kung ikaw ay may mataas na porsiyento ng ganitong uri ng mga error, haharangin namin ang proxy sa loob ng isang oras.

Mangyaring huwag kaming sulatan at sabihan na ikaw ay nakabili ng pinakamagandang mga proxy sa merkado (lalo na tungkol sa botnet na basura mula sa Luminati). Ang pinakamainam ay ang ikaw mismo ang nag-install sa iyong dedicated na server o VPS na may sapat na RAM na memorya. Ang lahat ng mga serbisyo na nagbebenta ng mga proxy ay nagbebenta rin ng parehong hardware at network infrastructure sa ibang mga kostumer. Maaaring ikaw ay may dedikadong IP address, ngunit ito ay nakatali sa isang server na may iba pang 100 na kostumer at 100 na IP. At hindi mo alam kung ano ang hardware configuration na mayroon ang server.

Kaya hinihikayat namin kayo na gumamit ng SQUID na proxy server software, na isinulat sa C++ at nandiyan na mula nang ipinanganak ang internet. Kapag na-install mo ito sa sarili mong server, maaari mo nang kalimutan ang tungkol sa paksang ito at makakakuha ka ng malaking respeto galing sa amin at aming mga manggagawa.

Inaaccess namin ang iyong mga proxy galing sa IP na 78.46.86.231 . Bagaman, maaaring magbago ito kinalaunan. Ito ang hindi dokumentadong metodo para makuha ang kasalukuyang adres sa pag-access:

https://api.anti-captcha.com/getProxygateAddress

Ang aming sistema ay ginawa para gumana lang sa mga proxy na may pinakamagandang kalidad, dahil maraming bagay ang gumagana sa mga ito, at kailangang 100% na maaasahan. Ang mga algorithm ay awtomatikong sinasala ang mga pangit na proxy at maaaring harangin ng ilang oras.

Ang rason ay ang sumusunod. Ang bawat gawaing captcha ay pinoproseso ng gawa ng tao, kung saan ang kanilang oras ay nagkakahalaga ng pera. Kung sila ay nakakakuha ng maraming gawaing captcha na may mga mabagal/sira/naharang na proxy, ang kanilang karaniwang kita ay bababa, at sila ay aalis sa aming sistema nang maramihan para sumali sa aming mga kakompetensiya. Ayaw naming mangyari ito. At talagang, talagang, talagang, kailangan namin na ang aming mga kostumer ay kumuha ng mga pinakamagandang proxy na kaya nilang kunin.

Sa aming karanasan, ang mga pinakamagandang proxy ay iyong mga nainstall sa sarili mong VPS/dedicated na mga server. Magrenta ka lang ng ilang mga cloud VPS at mag-install ng SQUID server sa mga ito. Ito ang aming detalyadong mga instruksiyon kung paano gawin ito - napakadali lang.

Hindi, hindi namin iyon ginagawa.
1. Kapag ang iyong proxy ay hindi gumana, maaari mong gamitin ito para ipasa muli ang gawain pagkatapos ng 5 minuto. Susuriin namin ito, at kapag gumana, magpatuloy sa gawain.
2. Sa iba pang mga kaso - kapag ang iyong proxy ay nakakuha ng mga timeout na error, o natuklasan namin na ang Google ay hinarang ito, or ito ay nag-offline, atbp. - haharangin namin ito hanggang sa dulo ng kasalukuyang oras.

Ginagawa namin ito dahil ang aming mga manggagawa ay ginagawa ang mga trabahong ito gamit ang mga proxy na ito, at kapag ang proxy ay bumagal o nagdudulot ng mga pagkakagambala, sila ay agad na nagagalit at titigil na magtrabaho.
Kung hindi mo kayang magbigay ng mga maaasahang proxy, simpleng magpalit sa "Force Recaptcha Proxyless" na nasa API Override na seksyon ng mga setting ng API. Hindi ito nangangailangan ng kahit anong proxy.